İngilis qəzeti Pakistanın baş naziri Şahbaz Şərifdən üzr istəyib

Britaniyanın "Daily Mail" qəzeti 2019-cu ildə Pakistanın baş naziri Şahbaz Şərifin Böyük Britaniyanın Beynəlxalq İnkişaf Departamentindən (DFID) Pakistanda zəlzələdən zərərçəkənlər üçün ayrılan vəsaiti mənimsəməsi ilə bağlı iddialarına görə üzr istəyib.
Sonxeber.az xəbər verir ki, Britaniyanın "Daily Mail" qəzetinin verdiyi açıqlamada 2019-cu ildə Pakistan Milli Hesabatlılıq Bürosunun (NAB) baş nazir Şahbaz Şərifə qarşı apardığı araşdırma ilə bağlı xəbərin dərc edildiyi qeyd edilib.

Açıqlamada, araşdırmada qeyd olunan pulların arasında DFID-nin Pəncab əyalətinə bağışladığı pulların bir hissəsinin də olduğu bildirilib.

"Biz etiraf edirik ki, Şərif NAB tərəfindən Britaniya dövlət pulu və ya DFID qrant yardımı ilə bağlı hər hansı qanun pozuntusuna görə ittiham olunmayıb. Biz bunu aydınlaşdırmaqdan məmnunuq və bu səhvə görə cənab Şərifdən üzr istəyirik ,- deyə qəzet qeyd edib.

Qəzet həmçinin qeyd edib ki, sözügedən iddiaları ehtiva edən xəbərlər bütün platformalardan silinib.

Daily Mail qəzeti 2019-cu ildə dərc etdiyi xəbərdə Pakistanın baş naziri Şərif və ailəsinin zəlzələ qurbanları üçün pul oğurladığını iddia edib.

Baş nazir Şərif 2020-ci ildə onun haqqında saxta və böhtan xarakterli xəbərlər dərc etdiyinə görə Daily Mail qəzetinə və onun müxbiri Devid Roza qarşı Böyük Britaniyanın Ali Məhkəməsində iddia qaldırıb.

Şəbnəm Lətifi

Telegramda izləyin