"Dahi şəxsiyyət, uzaqgörən lider kimi Heydər Əliyev öz həyatını doğma xalqına həsr edib" - İqbal Məmmədov

"Azərbaycanın müstəqilliyinin qorunub saxlanmasında ulu öndər Heydər Əliyevin misilsiz xidmtləri var".

Bunu Sonxeber.az-a danışan deputat İqbal Məmmədov deyib.

Deputat qeyd edib ki, Azərbaycan xalqının müdrik oğlu, dərin zəka sahibi Heydər Əliyev zəmanəmizin görkəmli şəxsiyyətlərindən biri idi:

"Dahi şəxsiyyət, uzaqgörən lider kimi Heydər Əliyev öz həyatını doğma xalqına həsr edib. Bütün dövrlərdə xalqa ləyaqətlə, sədaqətlə xidmət edən ulu öndər Heydər Əliyev düşünmədən öz həyatını təhlükəyə ataraq xalqın istəyi ilə ölkəyə qayıtdı və dövlətimizin müstəqilliyin bərqərar olmasını təmin etdi. Müstəqilliyin ilk illəri həqiqətən çox çətin idi. Heydər Əliyev bütün çətinliklərə baxmayaraq xalqın dəstəyi ilə Azərbaycanı inamla irəliyə apardı. Ümummilli liderimiz Heydər Əliyev hakimiyyətə qayıtdıqdan sonra ölkədə sahələrin inkişafı üçün lazım olan addımları atdı. Ulu öndər hər zaman xalqımızın milli-mənəvi dəyərlərinin qorunmasına, milli mədəniyyətimizin inkişafına, xalqın adət-ənənələrinin zənginləşdirilməsinə çalışmışdır. Dahi şəxsiyyət kimi yaddaşlardan həkk olunan Heydər Əliyev ölkənin inkişafı istiqamətində gördüyü işlərlə, qəbul etdiyi cəsarətli qərarlarla o, özünün ümummilli lider obrazını bütün mərhələlərdə qoruyub".

Deputat vurğulayıb ki, Ulu Öndər Heydər Əliyev təkcə güclü dövlət başçısı deyil, həm də sözünün çəkisi olan, xalqı arxasınca aparmağı bacaran güclü siyasi xadim idi:

"Ulu Öndər işğal olunmuş torpaqlarımızın geri qaytarılacağına inanırdı. Məhz ona görə də güclü ordunun formalaşması istiqamətində lazım olan bütün addımları atdı. Ulu öndər bu sahədə başladığı uğurlu siyasət Ali Baş Komandan İlham Əliyev tərəfindən uğurla davam etdirilməkdədir. Məhz buna görə də Azərbaycan öz hərbi gücü sayəsində torpaqlarımızı işğaldan azad edərək, bugünkü möhtəşəm zəfərə nail oldu. Bu gün ulu öndər Heydər Əliyevin həyata keçməyən bir sıra ideyalarını cənab prezident İlham Əliyev uğurla reallaşdırır. Müstəqil Azərbaycan Ulu Öndər Heydər Əliyevin ideyaları əsasında yeni zirvələrə doğru inkişafını davam etdirir. Azərbaycan xalqı var olduqca ümumilli liderin xatirəsi daim yaşadılacaq".

Aysel Yusifqızı

Telegramda izləyin