Bu da Lui de Fünesin özünə oxşamayan, çox yaraşıqlı oğlu - FOTO-VİDEO

"Fantomas" filmi ilə tanınan məşhur fransız aktyoru Lui De Fünesin çox yaraşıqlı oğlu olduğunu bilirdinizmi?

BiG.AZ xarici mətbuata istinadən xəbər verir ki, 1965-ci ildə "Fantomas coşub" filmində ilk dəfə ekranlara çıxan mavi gözlü gənc Olivye de Fünes qızların qəlbini fəth etməyi bacarıb.

Lakin atası ilə çəkildiyi həmin filmdən sonra Olivye cəmi 5 filmdə rol alaraq karyerasına son qoyub.

Aktyorluqdan öncə bu gənc sürətli avtomobil yarışlarının həvəskarı olub və məhz bu səbəbdən atası onun başını kino sənəti ilə qatmaq istəyib. Lakin 1973-cü ildə Olivye bu sahədən getmək qərarına gəlib və təyyarə pilotu sənətini seçib. O, 2010-cu ilədək "Air France" reyslərində peşəkar pilot kimi çalışıb, daha sonra isə təqaüdə çıxıb.

Buna baxmayaraq, Olivye atasının yaradıcılığına daim böyük hörmətlə yanaşıb və 2007-ci ildə qardaşı Patrik ilə birlikdə "Mənim haqqımda çox danışmayın, övladlarım!" kitabını yazıb.

Lui de Fünesin oğlunun şəxsi həyatı da uğurlu alınıb. Hazırda 73 yaşı olan Olivyenin xoşbəxt ailəsi var. O, üç uşaq atasıdır.

Xatırladaq ki, 1911-ci ildə fransız yazıçıları Marsel Allen və Pier Suvestr tərəfindən yaradılmış "Fantomas" ən məşhur fransız personajlarından biridir. "Fantomas" ilk dəfə 1913-cü ildə Lui Feyad tərəfindən çəkilmiş səssiz kriminal filmi olaraq ekrana çıxıb. Daha sonra, 1964-cü ildə Jan Mare və Lui de Fünesin iştirakı ilə kriminal komediya trilogiyası ekranlaşdırılıb.

Telegramda izləyin