"Azərbaycanın Laçın dəhlizini blokadaya alması nəticəsində xəstələrin həyatı təhlükə altındadır" - Erməni deputat

"Azərbaycanın Laçın dəhlizini blokadaya alması nəticəsində "Stepanakert Tibb Mərkəzi"nin bir sıra xəstələrinin həyatı təhlükə altındadır".
Sonxeber.az Armenpress-ə istinadən xəbər verir ki, bu sözləri Ermənistan parlamentinin deputatı Taquhi Tovmasyan deyib.

"Artsaxın(Qarabağ) Azərbaycan tərəfindən blokadaya alınması nəticəsində "Stepanakert Tibb Mərkəzi"nin bir sıra xəstələrinin həyatı təhlükə altındadır. Onların İrəvanda təcili tibbi yardıma ehtiyacı var", - deyə Taquhi Tovmasyan sosial şəbəkədə bildirib.

"Beynəlxalq ictimaiyyət qəbuledilməz laqeydlik nümayiş etdirərkən Azərbaycan Artsaxın blokadaya almaqla cinayətkar siyasətini həyata keçirməkdə davam edir.

Beynəlxalq qurumların təcili addımlarına böyük ehtiyac var. Susmayın, cəza tədbirləri görün.

Artsax xalqının yaşamaq hüququ ciddi təhlükə altındadır. Artsax xalqının öz vətənində təhlükəsiz və azad yaşamaq hüququ var",- deyə o əlavə edib.

Qeyd edək ki, Rusiya sülhməramlılarının nəzarətində olan Şuşa-Xankəndi yolunda QHT nümayəndələri, ekofəallar və könüllülərin iştirakı ilə keçirilən etiraz aksiyası ikinci gündür davam edir.

Şəbnəm Lətifi

Telegramda izləyin