2022-ci ildə faciəvi şəkildə ölən gənclərimiz - FOTOLAR

2022-ci ilin sona çatmağına sayılı günlər qalıb. Bu il də hər il olduğu kimi bir çox tələbə, idmançı, yeniyetmələri itirdik. Onlar avtomobil qəzası, intihar, xəstəlik kimi vaxtsız əcəlin qurbanı oldular.

Həmin gənclərin siyahısını təqdim edirik:

Bu ilin oktyabrında Oğuz rayonunun Çaldaş kənd tam orta məktəbində dərs zamanı vəfat edən 11-ci sinif şagirdi Zarina Əzizova. Ürəktutmadan dünyasını dəyişən 2006-cı il təvəllüdlü Z.Əzizovanın məktəbdə idman dərsi zamanı qəfil halı pisləşib. 16 yaşlı Z.Əzizova Oğuz Rayon Mərkəzi Xəstəxanasına çatdırılsa da, dünyasını dəyişib.Qeyd edək ki, onun atası da eyni səbəbdən vəfat edib.
Göygöl rayonunda dəhşətli qəzada ölən ərlə arvad. İyulun 1-də "Vaz 2107" markalı avtomobilin "Daf" markalı TIR-ın zərbəsinə tuş gəlməsi nəticəsində həlak olan 1994-cü il təvəllüdlü Orxan Hümbətov və həyat yoldaşı 1996-cı il təvəllüdlü Sona Hümbətova Sənaye və Texnologiyalar üzrə Gəncə Dövlət Peşə Təhsil Mərkəzində təhsil alıblar. Onlar "Rabitə avadanlıqlarının qurlaşdırıcısı" ixtisasının 1 ci kurs tələbələri olublar. Qeyd edək ki, 6 nəfərin öldüyü qəzada Orxanla Sonanın azyaşlı uşağı İbrahim də həlak olub. Hadisə nəticəsində ölən şəxslər Göygöl rayonunun Hacıkənd qəsəbəsi istiqamətində istirahətə gediblərmiş.
Xəzər Universitetinin III kurs tələbəsi Firəngiz Quliyeva. Bu ilin noyabr ayında vəfat edən F.Quliyeva uzun müddət kəskin leykoz xəstəliyindən əziyyət çəkirdi.
Bakı Dövlət Universitetinin tələbəsi Rəhiməxanım Məmmədova. Kimya fakültəsinin lll kurs tələbəsi olmuş R.Məmmədova bu ilin oktyabrında ağciyər çatışmazlığından dünyasını dəyişib.
BDU-nun digər tələbəsi Bənövşə Dədəyeva da oktyabr ayında dünyasını dəyişib. Universitetin Biologiya fakültəsinin 3-cü kurs tələbəsi olmuş B.Dədəyeva beyninə qan sızması nəticəsində vəfat edib.
Şağanda idman arenasında qətlə yetirlilən 16 yaşlı Turan Rüstəmov. Noyabrın 26-da Bakının Şağan qəsəbəsində yerləşən Olimpiya İdman Kompleksində 2002-ci il təvəllüdlü, Sumqayıt şəhər sakini Ruslan Səfixanov şəxsi münasibətlər zəminində aralarında yaranan mübahisə zamanı 2006-cı il təvəllüdlü T.Rüstəmova bıçaqla xəsarətlər yetirərək onu öldürüb.
Dekabrın 5-i Masallı şəhər Heydər Əliyev prospektində yerləşən binadan özünü ataraq intihar edən 18 yaşlı Rüqəya Hüseynova. O, yaşadığı beşmərtəbəli binanın 4-cü mərtəbəsinin balkonundan özünü ataraq, həyatına son qoyub. R.Hüseynova Masallı Dövlət Regional Kollecində 3-cü kurs tələbəsi olub. Rüqəyanın anası Sevinc Cabbarova qızının Cəsarət adlı şəxs tərəfindən aldadıldığını və intihar həddinə çatdırdığını deyib.
Azərbaycan Dövlət Pedaqoji Universitetinin tələbəsi Zafta Eyyubova. Tarix və coğrafiya fakültəsinin IV kurs tələbəsi Eyyubova Zafta avqust ayında qəfildən dünyasını dəyişib.
Avqust ayında vəfat edən daha bir tələbə Nəzrin Ələsgərova. Azərbaycan Dövlət Pedaqoji Kollecinin Məktəbəqədər təhsil ixtisasında təhsil almış N.Ələsgərova avtomobil qəzasında həyatını itirib.
Azərbaycan Texniki Universitetinin (AzTU) Xüsusi texnika və texnologiya fakültəsinin 4-cü kurs tələbəsi 22 yaşlı Sona Qarazadə. S.Qarazadə xərçəng xəstəliyindən dünyasını dəyişib.
Azərbaycan Dövlət İqtisad Universitetinin (ADİU) tələbəsi Şəhriyar Rəhimov. Ş.Rəhimov uzun müddətdir ağır xəstəlikdən əziyyət çəkirmiş.
UNEC-in İqtisadiyyat və idarəetmə fakültəsinin I kurs tələbəsi Qaçıyeva Gülbəniz O, Bakı-Quba yolunda baş vermiş avtomobil qəzası nəticəsində vəfat edib.
Qəzada ölən daha bir tələbə Nəzrin Rüstəmova. Martın 27-sində Bakının Nərimanov rayonunda baş vermiş yol qəzasında dünyasını dəyişən N.Rüstəmova Qərbi Kaspi Universitetinin Siyasi və ictimai elmlər fakültəsinin III kurs tələbəsi olub.
Dekabrın 14-ü yaşadığı binanın 11-ci mərtəbəsindən özünü ataraq həyatına son qoyan Xırdalan şəhəri 10 saylı tam orta məktəbin 11-ci sinif şagirdi İlqar Əlizadə. Məlumata görə,17 yaşlı İlqar Əlizadə ailədaxili problemlər səbəbindən intihar edib./BiG.AZ

Telegramda izləyin