"Ukraynadakı müharibə dünya nizamını pozan ən böyük problemdir"-Gürcüstanın baş naziri

Gürcüstanın baş naziri İrakli Qaribaşvili Rusiyanın fevralın 24-də Ukraynada apardığı müharibənin dünya nizamını alt-üst etdiyini deyib.
Sonxeber.az xəbər verir ki, Qaribaşvili paytaxt Tbilisidə keçirilən Səfirlər Konfransı 2022-nin açılışındakı çıxışında bu il regional və qlobal hadisələri dəyərləndirib.

"Rusiyanın ədalətsiz hərbi təcavüzü, Ukraynadakı müharibə dünya nizamını alt-üst edən ən böyük problemdir və ilin ən mühüm hadisəsidir" ,- deyə Qaribaşvili qeyd edib.

"Arzumuz bu müharibənin bir an əvvəl bitməsidir, çünki bu müharibə təkcə Ukraynanın deyil, bütün Avropanın və regionumuzun təhlükəsizlik arxitekturasını təhdid edir" ,- deyə nazir əlavə edib.

Qaribaşvili bəyan edib ki, Ukraynadakı müharibəyə və dünya miqyasında iqtisadi problemlərə baxmayaraq, ölkəsi bu il ikirəqəmli iqtisadi artıma nail olub.

Şəbnəm Lətifi

Telegramda izləyin