Ronaldo İŞÇİ AXTARIR: 6 min avro MAAŞ və lüks villlasında yaşamaq fürsəti - FOTO

Ulduz futbolçu, Portuqaliya yığmasının hücumçusu Kriştiano Ronaldo paylaşdığı elanla gündəmə gəlib.

BiG.AZ xəbər verir ki, bu barədə "Sky Sports Italia" yazır.

Belə ki, Ronaldo Portuqaliyanın paytaxtı Lissabonda yerləşən, 3000 kv.m-dən çox ərazisi olan villasında işləməyi təklif edir.

Ulduz futbolçu aşpaz və qulluqçulardan ibarət 4 nəfərlik personal vakansiyası elan edib. İşçilər onun lüks villasında yaşayaraq ayda 6 min avro maaş alacaqlar. Portuqaliyada minimum əmək haqqı isə 822 avrodur.

Ronaldonun 11 milyon avroya aldığı villanın dəyəri təmirdən sonra 30 milyon avroya qalxıb.

Üçmətəbəli villanın 455 kv.m-lik bağı, tennis kortları, kino zalları, açıq və bağlı hovuzu, idman kompleksi, ağıllı istilik sistemi, 20 avtomobil tutumlu meqa-qarajı, yeraltı dəhlizi , sualtı gəzinti yolu və nəhəng şüşə hovuzu var.

Telegramda izləyin