İranın keçmiş prezidenti Rəfsəncaninin qızı 5 il müddətinə azadlıqdan məhrum edilib

İranda Məhsa Əminin ölümündən sonra başlayan etirazlarla əlaqədar həbs edilən keçmiş prezident Əli Əkbər Haşimi Rəfsəncaninin qızı Faizə Haşimiyə 5 il həbs cəzası verilib.

Sonxeber.az xəbər verir ki, Haşiminin vəkili Nida Şəms öz Twitter hesabında müvəkkilinin rejim əleyhinə təbliğat və ictimai asayişi pozmaq ittihamı ilə 5 il həbs cəzasına məhkum edildiyini açıqlayıb.

Şəms qeyd edib ki, məhkəmənin qərarından apellyasiya şikayəti yolları açıqdır və şikayət verilə bilər.

Faizə Haşimi sentyabrın 27-də paytaxt Tehranda Məhsa Əmininin ölümündən sonra başlayan etirazlar zamanı nümayişçilərə təhrik ittihamı ilə saxlanılıb.

Məhkəmə hakimiyyətinin sözçüsü Məsud Sitayeşi oktyabrın 11-də Haşiminin ictimai asayişi pozmaq və rejim əleyhinə təbliğat maddəsi ilə həbs edildiyini açıqlayıb.

Haşimi 2021-ci ilin yanvarında etdiyi çıxışında ABŞ-ın İrana təzyiqini dəstəklədiyini və bir çox dairələrdən, o cümlədən öz çevrəsindən reaksiyalar aldığını bəyan edib. Haşimi apreldə etdiyi çıxışında İnqilab Keşikçiləri Ordusunun ABŞ-ın sanksiyalar siyahısında qalmalı olduğunu bildirib.

May ayında prokurorluq Haşimiyə qarşı Məhəmməd peyğəmbərlə bağlı iddia etdiyi ifadələrə və Tehran administrasiyasına qarşı sanksiyaları dəstəklədiyinə görə istintaq açıb.

Şəbnəm Lətifi

Telegramda izləyin