İsrail qüvvələri 2 fələstinlinin evini dağıdıb

İsrail qüvvələri işğal altındakı İordan çayının qərb sahilində 2 fələstinlinin evini lisenziyasız olduqlarını əsas gətirərək dağıdıb.

Sonxeber.az xəbər verir ki, şahidlərdən alınan məlumata görə, İsrail əsgərləri buldozerlərin müşayiəti ilə Hebronun şərqindəki Baka kəndinə basqın ediblər.

İsrail qüvvələri burada 2 fələstinlinin evini lisenziyasız olduqları səbəbilə söküb. Hadisəyə reaksiya verən sakinlərə də əsgərlər səs bombası və gözyaşardıcı qazla müdaxilə edib.

İsrail qüvvələri tərəfindən dağıdılan evlər İordan çayının qərb sahilində C zonasında yerləşir.

İsrail 1967-ci ildə işğal etdiyi Şərqi Qüds və İordan çayının qərb sahilində fələstinlilərə məxsus ev və tikililəri "lisenziyasız" olduqlarını əsas gətirərək sökür. Fələstinlilər lisenziya almaq üçün cəhd göstərsə də İsrail rəsmilərinin maneə törətmələri səbəbindən tez-tez uğursuzluqla nəticələnir.

1995-ci ildə Fələstin və İsrail arasında imzalanan "İkinci Oslo Razılaşması" çərçivəsində işğal altındakı İordan çayının qərb sahili A, B və C bölgələrinə bölünüb.

18 faizini əhatə edən A zonası və 21 faizlik B sahəsinin inzibati idarəsi Fələstin, C zonası İsrailin ixtiyarına verilib.

Şəbnəm Lətifi

Telegramda izləyin