Çürük dişinə fikir verməyən Hüseynin həyatı ZƏHƏR OLDU - FOTO-VİDEO

Türkiyənin İstanbul şəhərində 29 yaşlı Hüseyn Güvenaltun çürük dişinə fikir vermədiyi üçün sürətlə yayılan, ölümcül dil xərçənginə tutulub.

BiG.AZ türk mətbuatına istinadən xəbər verir ki, 6 saat davam edən əməliyyat vasitəsilə dilinin 80%-i götürüldükdən sonra o, xərçəngdən canını qurtarıb.

Belə ki, 3 ay öncə 2 çürük dişinə görə həkimə müraciət edən Hüseynin bir dişi çəkilsə də, digər qırıq dişində iltihab olduğu üçün müalicə yazılıb.

Lakin ağrısı kəsildikdə Güvenaltun səhlənkarlıq edərək həkimə yenidən müraciət etməyib. Qırıq diş onun dilinin kənarını cızaraq yara edib. Yara zamanla xərçəngə çevrilib və boynundakı limfalara yayılıb.

Ağrıdan yatmaq, danışmaq və yeməkdə çətinlik çəkən gənc yanvarın 10-a planladığı nişanından bir gün öncə əməliyyat olunub.

Əməliyyatdan əvvəl yara səbəbilə Hüseydə pəltəklik yaranıb, qollarında göyərmələr əmələ gəlib, gözünə qan yığılıb. O isə qorxusundan həkimə getməyib. Xəstəlik dövründə 6 kilo arıqlayan Güvenaltun hazırda dilinin çox hissəsi götürüldüyü üçün dad bilmə hissini də itirib.

Ölümdən dönən gəncin bundan sonra da danışmaqda çətinlik çəkəcəyi bildirilir.

O, ən çox hamburger yemək üçün darıxdığını etiraf edib. Hüseyn xəstəxanadan çıxdıqda ilk öncə işinə başlayacağını, sonra isə ertələdiyi nişanını edəcəyini bildirib.

Telegramda izləyin