"Birinci məqsədimiz Qarabağdakı erməni silahlı qüvvələrinin çıxarılmasıdır" - RƏY

İstiqamət: İctimai və dövlət maraqlarının müdafiəsi
"Faydalı qazıntı yataqlarının istismarı dayandırılıb. Bu, aksiyaçıların ilk uğurudur. Bundan sonra başqa tədbirlər də meydana çıxacaq".

Bu sözləri politoloq Qabil Hüseynli Sonxeber.az-a Şuşa-Xankəndi yolunda 36 gündür davam edən aksiya ilə bağlı açıqlamasında deyib.
O həmçinin qeyd edib ki, bu ilin ortalarında doğru həmin ərazilərdə Azərbaycanın tam suverenliyi təmin edilməsi əsas hədəflərdən biridir:

"Bu aksiyanın hədəfləri bəllidir. Qarabağ iqtisadi rayonu üzrə separatçıların yaşadığı ərazidə həm suverenliyimiz təmin edilməli, həm faydalı qazıntı yataqlarının vəhşicəsinə istismarına son qoyulmalıdır. Hələki faydalı qazıntı yataqlarının istismarı dayandırılıb. Bu, aksiyaçıların ilk uğurudur. Yəqin ki, bundan sonra başqa tədbirlər də meydana çıxacaq. Hədəf Qarabağdakı separatçı qüvvələrin oradan uzaqlaşdırılması, ardınca da azərbaycanlılara qarşı cinayət törətməmiş mülki əhalinin Azərbaycan cəmiyyətinə inteqrasiya məsələsini həyata keçirməkdən ibarətdir. Bu istiqamətdə səylər davam edir. Hələki hədəfdə olan birinci məqsədimiz Qarabağ ərazisindəki erməni silahlı qüvvələrinin çıxarılmasıdır. Bunun üçün onlara ultimativ şəkildə tələb qoyulub. Onlar öz xoşu ilə oradan çıxmasalar, Azərbaycan həmin ərazilərdə lokal xarakterli anti-terror əməliyyatına başlayacaq. Bu əməliyyatdan sonra Azərbaycan Rusiya ilə danışıqlar aparmaqla rus sülhməramlılarının ermənilərə qayğı göstərməsi və onların liderləri Ruben Vardayanı, Arayik Harutyunyan kimilərə süni komfort şərait yaratması, separatçı ermənilərin mülki əhalidən ayırd edilməsi, mülki insanlara passport təqdim edilməsi və həmin ərazilərin ehtiyaclarının Azərbaycan tərəfindən təmin edilməsi gündəmə gətiriləcək. Bu zaman dünyadakı ictimai-siyasi vəziyyətə ciddi nəzarət edilir və əsas hədəf ondan ibarətdir ki, bu ilin ortalarında doğru həmin ərazilərdə Azərbaycanın tam suverenliyi təmin edilsin".

Material Azərbaycan Respublikasının

dəstəyi ilə hazırlanmışdır.

Şəbnəm Lətifi

Telegramda izləyin