Filippində sel və torpaq sürüşməsi nəticəsində ölənlərin sayı 33-ə çatıb

Filippində yağan güclü yağışlar nəticəsində yaranan sel və torpaq sürüşmələrində ölənlərin sayı 33-ə çatıb.

Sonxeber.az xəbər verir ki, bu barədə Filippin Mülki Müdafiə Agentliyinin məlumat yayıb.

12 nəfərin yaralandığı, 7 nəfərin isə itkin düşdüyü bildirilir. Ümumilikdə 1,6 milyon insanı təsir edən güclü yağışlar səbəbindən 266 mindən çox insanın evlərini tərk etməli olub. Bildirilib ki, təbii fəlakətdə infrastruktura dəyən ziyan 3,6 milyon dollara, kənd təsərrüfatına isə 7,5 milyon dollara çatıb. Daşqından zərər çəkənlərə 1,5 milyon dollar məbləğində yardım edilib.

Keçən ay Filippinin Misayas və Mindanao bölgələri başda olmaqla ölkənin böyük bir hissəsində yağan güclü yağışlar nəticəsində 52 nəfər ölüb, 16 nəfər isə yaralanıb.

Şəbnəm Lətifi

Telegramda izləyin