İran Ermənistanı işğal etməyə hazırlaşır - VİDEO

İran və Ermənistan Azərbaycan-Ermənistan sərhədində yeni toqquşma təhlükəsi yaranarsa, İran ordusunun operativ şəkildə Zəngəzura köçürüləcəyi ilə bağlı ilkin razılığa gəliblər.

Bu barədə caliber. az-ın "İran Ermənistanı işğal etməyə hazırlaşır" başlıqlı analitik məqaləsində deyilir.

İrəvanın hakim elitasının ölkəni idarə etmək üçün strateji baxışının olmaması, Ermənistanın dövlətçiliyi və ərazi bütövlüyü üçün risklər yaratmaqda davam edir.

Ermənistanın sabitliyini pozması, dövlətçiliyini itirməsi, bu dövlət quruluşunun parçalanması, ölkəmiz üçün strateji təhlükə yarada bilər. Bu, ilk növbədə onunla bağlıdır ki, ssenari Azərbaycana düşmən olan üçüncü qüvvələr tərəfindən proqramlaşdırılır.

Söhbət İrandan gedir.

Azərbaycanın İkinci Qarabağ müharibəsində qələbə çalandan sonra İran rəhbərliyinin bütün addımları regionda qüvvələr balansının Azərbaycan və Türkiyənin xeyrinə dəyişməsinin qarşısını almaq istəyindən xəbər verir.

İran prezidenti Rəisi 2021-ci il noyabrında Putinlə telefon danışığı zamanı "Bölgədəki ölkələrin geosiyasi statusunda və sərhədlərində istənilən dəyişiklik qəbuledilməzdir" deyə vurğulayıb.

Tehran ehtiyat edir ki, Zəngəzur dəhlizinin eksterritoriallığıonu Ermənistanın Qərb və Şimal tranzit pəncərəsindən kəsəcək. Guya ki, İran Avropaya nəqliyyat imkanını itirməkdən qorxur. Halbuki, hazırda İran Ermənistan vasitəsilə Avropayavə tranzit yüklərinin yalnız kiçik bir hissəsini göndərir. Bundan başqa, Zəngəzur dəhlizi reallaşarsa, İran yüklərinin daşınmasına hər hansı məhdudiyyət olmayacaq.

Demək ki, İranın narahatlığı iqtisadi deyil, daha çox siyasi xarakter daşıyır. Regionda açılan nəqliyyat yolları uzun əsrlər ərzində ilk dəfə olaraq yenidən vahid türk siyasi məkanı yaranmasına imkan verəcək. İran media məkanında Zəngəzur dəhlizinin Turan dəhlizi adlandırması əbəs yerə deyil.

İranın Qafanda tələsik konsulluq açması, Azərbaycana qarşı aqressiv ritorika, İran-Azərbaycan sərhədi yaxınlığında müntəzəm təlimlər, terror aktları və təhdidlər - bütün bu addımlar rəsmi Tehranın Zəngəzur dəhlizinin açılmasını əngəlləmək məqsədinə xidmət edir.

İranın planlarını ifşa edən son addımı isə rəsmi Tehranın Suriyadakı səfiri Mehdi Sobhaninin Ermənistana təyin edilməsi olub. Heç kimə sirr deyil ki, İran həm Suriyada, həm də Yaxın Şərqin bir sıra digər dövlətlərində hərbiləşdirilmiş qrupları maliyyələşdirir və onlara nəzarət edir.

Məqalədə bildirilir ki, Sobhaninin Ermənistana səfir təyin edilməsi qərarının siyasi çalarları var. Bu, konkret mesajdır. Tehran Cənubi Qafqaz regionunda siyasi kursunu daha aydın şəkildə irəli sürmək niyyətində olduğunu açıq şəkildə bildirir.

Yəni "aydın siyasi kurs" təlim düşərgələri yaratmaq, terror aktları hazırlamaq, erməni ordusunu öyrətmək deməkdir. Ermənistanda artıq açıq şəkildə deyirlər ki, Zəngəzur uğrunda müharibə başlasa, İrəvanın münasibətindən asılı olmayaraq, İran Ermənistana daxil olacaq.

Analitik məqaləyə əsasən İran və Ermənistan artıq Azərbaycan-Ermənistan sərhədində yeni toqquşma təhlükəsi yaranarsa, İran ordusunun operativ şəkildə Zəngəzura köçürüləcəyi ilə bağlı ilkin razılığa gəliblər. İran təhlükəsizlik qüvvələrinin əməkdaşlarının müəyyən hissəsi artıq tacir, sürücü, turist adı altında bölgəyə göndərilib.

Beləliklə, maraqlı bir mənzərə ortaya çıxır. İranın hərbi əməliyyatının planlaşdırılmasında hədəf təkcə Azərbaycan deyil, həm də Ermənistandır. Məqalənin müəllifi bildirir ki, İran ordusunun Araz çayı sahilində keçirdiyi hərbi təlimlər birbaşa Azərbaycana qarşı yönəlməyə də bilər. Bu, Ermənistan ərazisində potensial hərbi əməliyyatların da carçısı idi.

Görünür ki, Ermənistanın tezliklə xaos və daxili siyasi qeyri-sabitliyin olduğu, xarici aktorların nəzarətində olan sektorlara bölünmüş Qafqaz Suriyasına çevriləcək. Paşinyanın komandası İran ordusunu ölkənin ərazi bütövlüyünün qarantı kimi görsə də, İran qoşunlarının Ermənistan ərazisinə yeridilməsi, təkcə İranın deyil, regionun digər dövlətləri üçün də böyük təhlükədir.

Telegramda izləyin