Cücələri qorxudub öldürən şəxs həbs olundu

Çində Qu soyadlı şəxs cücələri qorxutduğu üçün həbs olunub.

BiG.AZ xəbər verir ki, bu barədə Çin mətbuatı yazır.

Belə ki, Qu düşmənçilik etdiyi qonşusunun 1100-dən çox cücəsini yüksək səs və fənərlə qorxudub. Quşlar arasında panika yaratmağa çalışan şəxsin hücumundan sonra cücələr bir-birinin üzərinə atılmağa, divara çırpılmağa başlayıblar. Nəticədə, cücələrin çoxu ölüb.

Cinayəti törədən şəxs aşkarlanaraq həbs olunub. Məhkəmə qərarı ilə o, 6 ay müddətinə azadlıqdan məhrum edilib, daha sonra isə 1 illik şərti azadlığa buraxılacaq.

1100 ölü cücə isə ümumilikdə 13 840 yuan (təxminən 3420 manat) dəyərində qiymətləndirilib.

Qeyd edək ki, Çində heyvanlarla qəddar münasibətə görə ciddi cəzalar nəzərdə tutulub.

Telegramda izləyin