"Qarabağdakı erməni terrorçuları havadarlarının tapşırıqlarını icra edərək regionda vəziyyəti gərginləşdirməyə çalışırlar" - DEPUTAT

"Qarabağdakı silahlı erməni birləşmələri törətdiyi təxribatları ilə sülh müqaviləsinin imzalanmasına maneə olmağa çalşırlar".

Bunu Sonxeber.az-a danışan deputat İqbal Məmmədov bildirib.

Deputat qeyd edib ki, aprelin 11-i Ermənistan silahlı qüvvələrinin bölmələri Gorus rayonunun Dığ yaşayış məntəqəsi istiqamətində yerləşən mövqelərindən Azərbaycan Ordusunun Laçın rayonu istiqamətində yerləşən üzbəüz mövqelərini atıcı silahlardan intensiv atəşə tutması nəsticəsində üç hərbi quluqçumuz şəhid olub:

"Allah şəhidlərimizə rəhmət eləsin. Azərbaycanın Müzəffər Ordusu düşmənin təxribatlarına layiqli cavab verərək, geri yerində otuzdurub. Ermənilərin bu təxribatları artıq bizi təəccübləndirmir. Çünki terror və vandalizm erməni xalqının xislətində var.

Bu gün Qarabağdakı erməni terrorçuları təxribatları ilə havadarlarının tapşırıqlarını icra edərək regionda vəziyyəti gərginləşdirməyə çalışırlar. Məqsəd isə məlumdur. Sülh müqaviləsinin imzalanma prosesini mümkün qədər ləngitməkdir".

Deputat vurğulayıb ki, 44 günlük Vətən müharibəsində düşmənin başını əzən "Dəmir yumruq" yerindədir:

"Ermənistan rəhbərliyi yaxşı olardı ki, 44 günlük Vətən müharibəsindəki məğlubiyyətini və əsgərlərinin ordumuzun qarşısında qorxaq kimi necə qaçdığını unutmasın. Qarabağda törədilən bütün təxribatların məsuliyyəti Ermənistanla yanaşı Rusiya sülhməramlıların da üzərinə düşür. Çünki iki ildən çoxdur ki, Rusiya sülhməramlıları 2020-ci ilin noyabrın 10-da imzalanan üçtərəfli bəyanatla üzərinə götürdüyü öhdəlikləri icra etmir. Bu gün Rusiya sülhməramlıları nəyinki erməni terrroçularını Qarabağdan çıxarmır. Əksinə onların sayının artmasına və rahat şəkildə silahlanmasına şərait yaradırlar. Bu da birbaşa 10 noyabr bəyanatının şərtlərinin pozulması deməkdir. Bununla bağlı Azərbaycan hökuməti Rusiya sülhməramlılarına dəfələrlə xəbərdarlıq edibdir. Hesab edirəm ki, təxribatlar davam edərsə Qarabağda yenidən antiterror əməliyytalarına başlaya bilərik".

Aysel Yusifqızı

Telegramda izləyin