"İnsanları cəhalətə sürükləyən din dəllalları bu gün gənclərin beynini yumağa çalışırlar" - DEPUTAT

"44 günlük Vətən Müharibəsindən sonra İran iki istiqamətdə Azərbaycan gənclərinin beynini yumağa çalışdı. Narkotik və dinlə".

Bunu Sonxeber.az-a danışan deputat Nəsib Məhəməliyev bildirib.

O bildirib ki, insanları cəhalətə sürükləyən din dəllalları gənclərimizin beynini yumağa çalışırlar:

"Din təhsili almaq adı ilə bir çoxlarını da aparıb Qumda, Məşhəddə beyinlərini yuyub Azərbaycana geri göndərirlər. Bu gün həmin şəxslər gecə-gündüz məscidlərdə nağıllar danışaraq gənclərin beynini yumaqla məşğuldurlar. Düşünürəm ki, bu iki istiqamət Azərbaycan üçün böyük təhlükədir. Tarix boyu Mirzə Fətəli Axundov, Əli bəy Hüseynzadə, Həsən bəy Zərdabi,Cəlil Məmmədquluzadə, Mirzə Ələkbər Sabir, Hacı Zeynalabdin Tağıyev kimi ziyalılar çalışıblar insanlarımız savadlansın, dünyaya inteqrasiya etsin və qadınlarımız isə təhsil alsın".

Deputat vurğulayıb ki, XXI əsrdə Orta əsrlərin feodal təfəkkürü ilə insanları aldatmaq mümkün deyil:

"Bu gün bar-bar bağıran bəzi kütbeyin mollalar və yaxud burada cinayət törədib İranda gizlənən mütrüblər deyir ki, hicabımıza, əmmamələrimizə təhdid var. İranda bütün şəhərlərdə gənclər mövcud rejimdən o qədər iyrəniblər ki, küçədə gedən mollaların əmmamələrini başlarından götürüb yerə tullayırlar. Əslində məsələ əmmamə deyil,onun altındakı zərərli, ziyanlı zehniyyətdən söhbət gedir. Budur onların iç üzü və siması. Bu gün həmin mollalar öz beyinlərindəri zərərli düşüncələrini başqa ölkələrə də ixrac etmək istəyirlər".

Deputat söyləyib ki, biz dünyəvi, tolerant və multikultural ölkəyik:

"Bizə nağıllar lazım deyil. İnsanlara dinin əsas məqsədini və məramını öyrətmək lazımdır kİ, cəmiyyətin mənəvi saflığını təmin edə biləsən. Bu gün din adı altında boğaz kəsillərsə, 9-10-11 yaşlı qız uşaqlarını siğə adı altında zorlayırlarsa bu nə din, nə də mənəviyyatdır. Xalqımız ayılmalı və işıqlı yolu seçməlidir. Görməlidir ki, coğrafiyada külli miqdarda təbii sərvətlərə malik olan İran acından ölür. Bu da həmin molla zehniyyətinin məhsuludur. Bu cür yaşayış da bizim xalqımıza lazım deyil".

Nuranə

Telegramda izləyin