"Azərbaycan xalqı ümummilli lider Heydər Əliyevin xidmətlərini heç zaman unutmayacaq" - Ceyhun Məmmədov

İstiqamət: azərbaycançılıq ideyasının təbliği- "Heydər Əliyev ili"
"Azərbaycan xalqının ümummilli lideri Heydər Əliyev Azərbaycanın inkişafında, dövlət kimi formalaşmasında çox böyük rolu olub. Biz 90-cı illərin əvvəllərini çox yaxşı xatırlayırıq. Azərbaycanda ictimai-siyasi sabitlik pozulmuşdu. Torpaqlarımız işğal olunurdu, vətəndaş müharibəsi gedirdi. Ulu öndər Heydər Əliyev hakimiyyətə gəldikdən sonra Azərbaycanda vətəndaş müharibəsinin qarşısının alınması istiqamətində çox böyük xidmətləri oldu və Azərbaycanı çox ağır, mürəkkəb bir vəziyyətdən yeni bir vəziyyətə gətirib çıxartdı".

Bu sözləri Milli Məclisin deputatı Ceyhun Məmmədov Sonxeber.az-a bildirib.

Deputat qeyd edib ki, 1994-cü ildə Ulu Öndər Heydər Əliyevin rəhbərliyi ilə sülh müqaviləsinin imzalanması Azərbaycanın iqtisadi inkisafına çox müsbət təsir göstərdi.
"Həmin dövrdə əsası qoyulan siyasət nəticəsində Azərbaycan daha da inkişaf etdi. Dövlətçiliyimiz möhkəmləndi, ölkəmizin uğurları artdı. 1994-cü ildə Ulu Öndər Heydər Əliyevin rəhbərliyi ilə sülh müqaviləsinin imzalanması Azərbaycanın iqtisadi inkisafına çox müsbət təsir göstərdi. Qısa müddətdə Azərbaycanda quruculuq və abadlıq işləri həyata keçirildi. Azərbaycanda ordu quruculuğu ən yüksək səviyyədə həyata keçirildi, neft müqavilələrinin imzalanması Azərbaycanın inkişafını daha da sürətləndirdi. Azərbaycan olduğu ağır vəziyyətdən xilas ola bildi və qeyd etdiyim kimi müstəqilliyini daha da gücləndirdi, dünyada nüfuzu daha da artdı.Sonrakı dövrdə prezident İlham Əliyev bu siyasəti uğurla davam etdirdi. Həmin siyasət nəticəsində biz qısa vaxtda torpaqlarımızı azad etdik, müstəqilliyimizi daha da gücləndirdik, bu gün Azərbaycan ordusu dünyanın ən güclü orduları sırasındadır, bu gün Azərbaycanın nefti, qazı xaricdə satılır. Ümumimilli liderin həyata keçirtdiyi siyasət nəticəsində Bakı-Tbilisi-Ceyhan neft kəmərinin işə düşdüyünü və dövlətimizin bu istiqamətdə uğurlar əldə etdiyini gördük. Bu gün Azərbaycan daha da güclənir, inkişaf edir. Ulu öndər hakimiyyətə gələndən sonra Azərbaycan elminə, mədəniyyətinə, ziyalılarına diqqət və qayğı artdı.İllər keçəcək, Azərbaycan xalqı ümummilli lider Heydər Əliyevin xidmətlərini heç zaman unutmayacaq" ,- deyə deputat vurğulayıb.

Material Azərbaycan Respublikasının

Şəbnəm Lətifi

Telegramda izləyin