Meymunlar 3 yaşlı uşağı daşla öldürdülər - FOTO

Hindistanın Katukuri kəndində Devunuri Abhinav adlı 3 yaşlı oğlan həyətdə oynayarkən damdan başına daş düşüb.

BiG.AZ xəbər verir ki, bu barədə "Telangana Today" yazır.

Yerli əhalinin ehtimallarına görə, daşı həmin ərazidə çox görünən və aqressivlikləri ilə tanınan meymunlar atıblar.

Uşaq hadisə yerində keçinib.

Abhinavın bir müddət öncə ağır əməliyyatdan çıxdığı bildirilir. Bu hadisədən yarım il qabaq o, bıçağın üstünə yıxılaraq boynundan ağır yaralanmışdı.

Kənd sakinləri uzun müddətdir ki, onları narahat edən və çətinlik yaradan meymunlardan şikayətçidirlər, lakin bu, ilk ölüm hadisəsidir.

Bütün Hindistan ərazisində meymunların insanlara hücumu elə bir həddə çatıb ki, hökümət aqressiv heyvanlara qarşı sərt tədbirlər görməyi nəzərdən keçirir. Məsələn, meymunları sterilizasiya edəcək peyvəndin hazırlanması və bu yolla onların sayının azaldılması planlaşdırılır.

Telegramda izləyin