Xatirələrimiz doğru olmaya bilər - Alimlərdən ŞOK AÇIQLAMA

Hadisədən bir neçə saniyə sonra insanın zehnində o hadisə ilə bağlı "yalançı" xatirələr formalaşa bilər.

BiG.AZ xarici mətbuata istinadən xəbər verir ki, bunu Amsterdam Universitetinin əməkdaşlarının keçirdiyi maraqlı təcrübə göstərir.

Belə ki, tədqiqatda iştirak edən 534 nəfərə latın əlifbasının hərflərinin ardıcıllığını yadda saxlamaq təklif olunub, lakin hərflərin bəzisi çevrimiş fomada olub və bunu da yadda saxlamaq tələb olunub.

Məlum olub ki, dərhal soruşulduqda, səhvlər 20 faiz təşkil edib, lakin baxdıqdan 3 saniyə sonra yenidən soruşulduqda səhv cavabların sayı 30 faizədək artıb.

Maraqlıdır ki, iştirakçıların cavablarının səhv olduğu halda onlarda özlərinin düzgün olduqlarına dair əminlik olub.

İştirakçıların belə əminliyinə səbəb nə ola bilər?

Alimlərin ehtimalına görə, bu, qısamüddətli yaddaşın xüsusiyyəti ilə bağlıdır: yaddaş yalnız görülənləri deyil, həm də dünya haqqında subyektiv fikirləri qeyd edir. Qısamüddətli yaddaş bizə istədiyimizi və ya bacardığımızı görmək imkanı verir.

Beləliklə, Amsterdam Universitetinin təcrübəsi göstərir ki, hadisə haqqında yalan təsəvvürlər cəmi bir neçə saniyə sonra yarana bilər. Bu nəticə beynimizin necə işləməsini və ətraf aləmi necə qavramağımızı anlamaq üçün əhəmiyyətl məlumatdır.

Telegramda izləyin