"Mehman Xəlilovu 12 ilə qədər həbs cəzası gözləyir" - Vəkildən açıqlama

Sumqayıtda idman zalında məşq zamanı öldürülən 7 yaşlı Fərid Bakarov ölümü ilə bağlı müzakirələr davam edir. 7 yaşlı Fərid Bakarovu xəsarətlər yetirərək ölümünə səbəb olmaqda ittiham olunan idman müəllimi Mehman Xəlilovun ilkin ifadəsi məlum olub. Sumqayıt Şəhər Məhkəməsində həbs qətimkan tədbirinin seçilməsi ilə bağlı təqdimata baxılarkən Mehman Xəlilov özünü təqsirli bilmədiyini deyib. Qeyd edək ki, Fərid Bakarovun anası və xalası Mehman Xəlilovun narkotik istifadəçisi olduğunu iddia edib. Bu gün hər kəsi maraqlandıran məsələ 7 yaşlı uşağın ölmünə səbəb olan Mehman Xəlilovu nə qədər cəza gözləməsidir?

Bununla bağlı BiG.AZ-a danışan vəkil Mehman Muradov bildirib ki, Mehman Xəlilovun özünü günahkar bilməməsi çox absurddur və videodan da göründüyü kimi, məşqçinin hərəkətin də qisas əlamətləri var:

"Mehman Xəlilovu 12 ilə qədər həbs cəzası gözləyir. Araşdırmalar zamanı əgər, məşqçinin narkotikdən istifadəsin təsdiqlənsə, bu onun cəzasını daha da ağırlaşdıracaq".

Telegramda izləyin