"Ulu öndər Heydər Əliyev daim qəlblərdə yaşayacaq və onun ideyaları hər zaman ölkəmizə yeni uğurlar qazandıracaq" - Emil Əkbərov

"Bu gün böyükdən-kiçiyə hər kəs ulu öndər Heydər Əliyevi böyük hörmət və ehtiramla yad edir".

Bunu Sonxeber.az-a danışan "BİG Media" MMC-nin direktoru Emil Əkbərov deyib.

Emil Əkbərov qeyd edib ki, elə şəxslər var ki, onun həyatı və fəaliyyəti gələcək nəsillərə örnəkdir:

"Ümumilli lider Heydər Əliyev həmin şəxslərdəndir. Ulu öndər Heydər Əliyev tarix yazan dahi şəxsiyyət kimi daim Azərbaycan xalqının qəlbində yaşayacaq. Ən çətin dövrdə özünün və ailəsinin həyatını təhlükəyə ataraq Azərbaycana qayıdan ümummilli lider Heydər Əliyev dövlətimizi yenidən hansısa ölkənin müstəmləkəsinə çevrilməsindən xilas etdi. O, ömrünü xalqına və dövlətinə həsr edən müdrik şəxsiyyət idi. Böyükdən-kiçiyə hər kəsin sevgisini və inamını qazanan ümumilli lider Heydər Əliyev müstəqil Azərbaycanın qurucusu, xalqımızın xilaskarı kimi daim yaddaşlarımızda yaşayacaq. Bu gün hər bir azərbaycanlı kimi mən də qürur duyuram ki, ulu öndər Heydər Əliyev kimi dahi şəxsiyyətin layiqli davamçısı İlham Əliyevin idarə etdiyi ölkənin vətəndaşıyam. Cənab prezident İlham Əliyev ölkəmizi nəyinki ulu öndər Heydər Əliyevin arzusunda olduğu dövlət səviyyəsinə çatdırdı, hətta 30 illik işğala son qoyaraq ərazi bütövlüyümüzü bərpa etdi. Əminəm ki, bu gün ümummilli lider Heydər Əliyev həyatda olsaydı oğlu ilə qürur duyardı. Bugünkü tarixi zəfərimiz ulu öndər Heydər Əliyevin əsasını qoyduğu uğurlu siyasətin nəticəsi kimi də qiymətləndirmək olar. Azərbaycan dövləti və xalqı var olduqca ulu öndər Heydər Əliyev daim qəlblərdə yaşayacaq və onun ideyaları hər zaman ölkəmizə yeni uğurlar qazandıracaq".

Telegramda izləyin