"Kimin qalib gəlməsindən asılı olmayaraq Rusiyanın Türkiyə ilə yaxın əməkdaşlığı davam edəcək"- Peskov

Kremlin sözçüsü Dmitri Peskov Türkiyədəki seçkiləri dəyərləndirib.

Sonxeber.az xəbər verir ki, Türkiyədə dünən keçirilən prezident və parlament seçkilərindən sonra ilk açıqlama Rusiyadan gəlib.

"Kimin qalib gəlməsindən asılı olmayaraq Rusiyanın Türkiyə ilə yaxın əməkdaşlığı davam edəcək.Bizi enerji, turizm, ticarət, kənd təsərrüfatı, yol və hava nəqliyyatı və müxtəlif sahələrdə qarşılıqlı faydaya əsaslanan çox geniş əməkdaşlıq bağlayır. Bu əməkdaşlıq həqiqətən qarşılıqlıdır. Həm türk, həm də rus xalqı üçün faydalıdır. Ona görə də bu günlərdə Türkiyədən gələn xəbərləri maraqla və böyük diqqətlə izləyirik. Türk xalqının seçiminə hörmətlə yanaşırıq və hörmətlə yanaşacağıq" ,- deyə Peskov bildirib.

Telegramda izləyin