"Artıq Paşinyan da yaxşı anlayır ki, kapitulyasiya aktı kimi sülh müqaviləsini də imzalamalı olacaq" - DEPUTAT

"Nikol Paşinyan anlamalıdır ki, gec-tez Azərbaycanın şərtləri əsasında hazırlanan sülh müqaviləsini imzalamalı olacaq".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, Nikol Paşinyan sonuncu açıqlamasında bildirib ki, növbəti görüşlərdə sülh müqaviləsi imzalana bilər:

"Artıq Nikol Paşinyan özü də yaxşı anlayır ki, sülh müqaviləsini imzalamaqdan başqa yolu yoxdur. Azərbaycan qonşu ölkələrlə daim sülh şəraitində yaşamaq istiqamətdə ciddi addımlar atıb. 44 günlük Vətən müharibəsində möhtəşəm zəfərə imza atsaq da yenə də Ermənistanla sülh müqaviləsinin bağlanması təşəbbüsü ilə çıxış edirik. Təəssüf ki, bunu Ermənistana aid etmək olmaz. Əksinə bu gün Ermənistan havadarlarının sifarişini yerinə yetirərək müxtəlif təxribatlarla regionda vəziyyəti gərginləşdirməyə çalışır. Lakin Nikol Paşinyan və onun havadarları anlamalıdır ki, Ermənistan sülh müqaviləsini ya könüllü, ya da məcburi qaydada imzalayacaq".

Deputat vurğulayıb ki, sülh müqaviləsindən imtina Ermənistanın bir ölkə kimi xəritədən silinməsinə səbəb olacaq:

"Sülh müqaviləsinin gecikdiyi hər ötən gün Ermənistanın zəyif iqtisadiyyatını daha da çöküşə aparacaq. Bilirsiniz ki, 44 günlük Vətən müharibəsindəki biabırçı məğlubiyyətdən sonra Ermənistan iqtisadiyyatı demək olar ki, çöküb və demoqrafik vəziyyəti pisləşib. İnsanların öz ölkəsinə olam inamı və sevgisi itib. Ermənistan vətəndaşları da xilas yolunu Azərbaycanla sülh müqaviləsinin imzalanmasında görür. Artıq Paşinyan da yaxşı anlayır ki, kapitulyasiya aktı kimi sülh müqaviləsini də imzalamalı olacaq".

Aysel Yusifqızı

Telegramda izləyin