Lukaşenko Paşinyana ad günü təbriki göndərib

Belarus prezidenti Aleksandr Lukaşenko Ermənistanın Baş naziri Nikol Paşinyana ad günü münasibətilə təbrik ünvanlayıb.

Sonxeber.az xəbər verir ki, bu barədə erməni mətbuatı məlumat yayıb.
"Əminəm ki, sizin böyük idarəçilik təcrübəniz və dövlət vəzifələrinin həllinə peşəkar yanaşmanız sizə Ermənistanın siyasi, sosial və iqtisadi sektorlarda üzləşdiyi problemlərin öhdəsindən uğurla gəlməyə və Ermənistanın rifahı naminə qarşıya qoyulan bütün məqsədlərə nail olmağa imkan verəcək", - deyə mesajda bildirilib.

Belarus Prezidenti əlavə edib ki, o, Ermənistanla hərtərəfli tərəfdaşlığın inkişafına, inteqrasiya birliklərində sıx qarşılıqlı fəaliyyətə və beynəlxalq arenada strateji əməkdaşlığa yönəlmiş gələcək konstruktiv dialoqu səbrsizliklə gözləyir.

Aleksandr Lukaşenko Nikol Paşinyana məsuliyyətli fəaliyyətində yeni uğurlar, cansağlığı, xoşbəxtlik, sülh və əmin-amanlıq arzulayıb.

Şəbnəm Lətifi

Telegramda izləyin