Qondarma Dağlıq Qarabağ prezidenti Putini Rusiya Günü münasibətilə təbrik edib

Qondarma Dağlıq Qarabağın prezidenti Arayik Harutyunyan Rusiya prezidenti Vladimir Putinə Rusiya Günü münasibətilə təbrik məktubu göndərib.

Sonxeber.az xəbər verir ki, bu barədə erməni mətbuatı məlumat yayıb.

"Hörmətli Vladimir Vladimiroviç,

Sizi və Rusiya xalqını Rusiya Günü münasibətilə ürəkdən təbrik edirəm.

Erməni və rus xalqları arasında çoxillik dostluq, eləcə də Ermənistan və Rusiya dövlətləri arasında strateji və müttəfiqlik münasibətləri mühüm tarixə malikdir və gələcək inkişaf üçün böyük potensiala malikdir. Cənubi Qafqazda mühüm qurum kimi Artsaxın bu münasibətlərdə öz yeri olub və olmaqda davam edir. Rusiyanın aktiv vasitəçiliyi və zəmanəti ilə 2020-ci il müharibəsində atəşkəsin imzalanması bu əhəmiyyətin göstəricilərindən biridir.

Buna görə də biz 2020-ci ildə qan tökülməsinin dayandırılmasında və bununla da Artsaxda növbəti genişmiqyaslı təcavüzlərin və faciələrin qarşısının alınmasında Rusiyanın rolunu və sizin şəxsi töhfənizi yüksək qiymətləndiririk. Artsax xalqı rus sülhməramlılarının mövcudluğunu alqışlayır, onları öz vətənlərində azad və ləyaqətli həyatın möhkəm təminatı hesab edir.

İndi, Azərbaycan Artsaxın və regionun təhlükəsizliyini dağıtmaq, davam edən blokada və Artsaxa təhdidlər vasitəsilə Rusiyanın zəmanətlərini sarsıtmaq səylərində israrla davam edərkən biz əminik ki, strateji maraqlarımızı uyğunlaşdırmaq və səylərimizi birləşdirməklə iki xalqımız uğur qazanacaq" ,- deyə qondarma ölkənin prezidenti bildirib.

Şəbnəm Lətifi

Telegramda izləyin