"Tezliklə Vaşinqtonda Ermənistan-Azərbaycan xarici işlər nazirlərinin görüşü gözlənilir"- Paşinyan

Xarici işlər naziri Ceyhun Bayramovun erməni həmkarı Ararat Mirzoyan ilə görüşünün tezliklə Vaşinqtonda keçirilməsi planlaşdırılır.

Sonxeber.az xəbər verir ki, bunu Ermənistanın Baş naziri Nikol Paşinyan Nazirlər Kabinetinin iclasında deyib.

"Nə qədər çətin olsa da, Azərbaycanla münasibətlərin normallaşdırılması və sülhün bərqərar olması istiqamətində işimiz davamlı olmalıdır, biz bu məsələdə ardıcıl olmalıyıq", -deyə Baş nazir Paşinyan Nazirlər Kabinetinin iclasında deyib.

"Yaxın vaxtlarda Vaşinqtonda Ermənistan və Azərbaycan xarici işlər nazirləri arasında görüşün keçirilməsi planlaşdırılır. Ümid edirəm ki, əvvəlki Vaşinqton görüşündə qeydə alınan müəyyən irəliləyiş inkişaf edəcək", - deyə Paşinyan əlavə edib.

Telegramda izləyin