Paşinyan Makrona təbrik məktubu göndərib

Ermənistanın Baş naziri Nikol Paşinyan Fransa prezidenti Emmanuel Makrona Milli bayram münasibətilə təbrik məktubu göndərib.

Sonxeber.az xəbər verir ki, bu barədə erməni mətbuatı məlumat yayıb.

"Hörmətli cənab Prezident, əziz Emmanuel!

Milli bayramınız münasibətilə Sizi və qardaş Fransa xalqını erməni xalqı adından və şəxsən öz adımdan ürəkdən təbrik edirəm.

İki əsrdən artıq bir müddət əvvəl, 1789-cu il iyulun 14-də fransız xalqı azadlıq, bərabərlik və qardaşlıq dəyərlərinin aliliyi kimi nəcib ideyalar ətrafında cəmləşərək xalq iradəsinin qələbəsini dünya tarixinin səhifələrinə yazdırıb.

Fransanın bəyan etdiyi ümumbəşəri əhəmiyyətə malik yüksək dəyərlər həm də erməni soyqırımından sağ çıxmış və ölkənizdə sığınacaq tapmış bir çox ermənilər üçün ilham mənbəyi olmuşdur. Fransa və onun azadlığı uğrunda, ümumbəşəri dəyərlərin qorunması uğrunda həyatını qurban verən Missak Manuçyan erməni xalqının Fransaya minnətdar münasibətini, onun azadlıq uğrunda ədalətli mübarizəsini ən yaxşı şəkildə təcəssüm etdirir.

Fürsətdən istifadə edərək, Müqavimət Hərəkatının qəhrəmanı Missak Manuçianın qalıqlarının Panteona köçürülməsi ilə bağlı tarixi qərarınıza görə minnətdarlığımı bildirirəm. Bu, bütün erməni xalqı üçün ən böyük şərəfdir, çünki Manuçyan və onun silahdaşları tiranlığa qarşı qələbə yolunda Fransanın sarsılmaz mübarizəsinin simvolu oldular.

Ermənistan iki dövlətimiz arasında yaradılmış imtiyazlı münasibətləri yüksək qiymətləndirir və bunu yüksək səviyyəli sıx siyasi dialoq və bütün sahələrdə dinamik inkişaf edən əməkdaşlıq bariz şəkildə nümayiş etdirir.

Dağlıq Qarabağ münaqişəsinin ədalətli və davamlı həlli prosesində göstərdiyiniz əhəmiyyətli və davamlı səylərə, Ermənistanın üzləşdiyi təhlükəsizlik problemlərinin həllində göstərdiyiniz mühüm dəstəyə görə minnətdarıq. Biz Fransanın nəsli kəsilməkdə olan Dağlıq Qarabağın tarixi-mədəni irsinin qorunmasında göstərdiyi diqqəti və səyləri xüsusilə yüksək qiymətləndiririk.

Sizi Fransa Respublikasının Milli Günü münasibətilə bir daha təbrik edərək, mühüm missiyanızda uğurlar arzulayıram və yaxın gələcəkdə sizi Ermənistanda dövlət səfərinə qəbul etməyə dəvətimi bir daha təsdiq edirəm.

Hörmətlə, Nikol Paşinyan" ,- deyə o bildirib.

Telegramda izləyin