"Ərdoğan heç nəyi səbəbsiz etmir" - Türkiyə KİV-ləri

"Səfər zamanı liderlər arasında aktual regional və qlobal problemlər barəsində fikir mübadiləsi aparılacaq..."

"Türkiyə ilə İsrail arasında münasibətlərdə yeni era başlanıb..."

Netanyahu Ərdoğanla görüşə gedir, ondan öncə oraya Mahmud Abbas səfər edəcək\

Fələstin Muxtariyyətinin rəhbəri Mahmud Abbas və İsrailin baş naziri Binyamın Netanyahu gələn həftə üç gün intervalla Türkiyəni ziyarət edəcək.

Moderator.az xəbər verir ki, bu barədə Türkiyə prezidentinin dəftərxanası məlumat yayıb.

Məlumatda deyilir ki, səfərlərin gedişində aktual regional və qlobal problemlər barəsində fikir mübadiləsi aparılacaq.

Mahmud Abbas Türkiyəni iyulun 25-də, Binyamin Neyanyahu iyulun 28-də ziyarət edəcək.

"Bir həftə ərzində Türkiyə prezidenti Rəcəb Tayyib Ərdoğan Türkiyədə ayrı-ayrılıqda Fələstin prezidenti Mahmud Abbas və İsrailin baş naziri Binyamin Netanyahunu qəbul edəcək.

Liderlər ölkəmizə prezident Ərdoğanın dəvətilə gələcək, onlar aktual regional və qlobal problemlər barəsində fikir mübadiləsi aparacaq", - bu barədə Türkiyə liderinin dəftərxanasına istinadən "Report" nəşri məlumat verib.

İcmalçıların fikrincə, İranın Suriyada mövcudluğu və Azərbaycanda ümumi maraqlardan əlavə, Netanyahu və Ərdoğan arasında danışıqların gündəliyində İsrail qazının Leviafan yatağından Kiprin iqtisadi sularından keçərək Türkiyənin cənubundakı Ceyhan limanına ixrac edilməsi məsələsi olacaq.

Bu limandan ixrac təkcə türklərə deyil, İsrailə də sərfəlidir, çünki Türkiyənin Avropaya qaz kəməri var və bundan, məsələn, Azərbaycan istifadə edir. Bu liman İsrail üçün yad deyil, çünki buradan Azərbaycandan İsrailə

neft nəql edilir.

Türkiyə KİV-ləri iyulun 21-də yazıb ki, "prezident Ərdoğan heç nəyi səbəbsiz etmir, bununla İsrailin baş nazirinə göstərmək istəyir ki, o, həmişə ikinci olacaq".

Mart ayında prezident İshaq Hersoqun Türkiyəyə səfəri "azadlıq flotiliyası" və 2010-cu ildə "Mavi Mərmərə" insidentindən sonra daima böhranda olan münasibətlərin bərpası məqsədini daşıyıb.

Netanyahu və Ərdoğan bundan öncə yalnız bir dəfə, 2016-cı ildə görüşüb, bu, onların ikinci görüşü olacaq.

2022-ci ilin noyabrında Ərdoğan Netanyahunu seşkilərdə qələbə münasibətilə təbrik edib, "Türkiyə ilə İsrail arasında münasibətlərin yeni erası" barədə bəyan edib.

Telegramda izləyin