Mopedlərlə bağlı nə dəyişir? - Yol polisindən açıqlama

"Yol Hərəkəti Haqqında Qanun 27-ci maddəsinə edilmiş əlavə dəyişikliyə əsasən 2023-cü ilin 1 avqust tarixindən hərəkət surəti 50 km/ saatdan yuxarı olan mopedlərin qeydiyyatına alınması və sürücülük hüququ yəni A1 kateqoriyasının tələb olunması anlayışları qanuni tələb kimi formalaşıb".

Bakı şəhər DYPİ-nin əməkdaşı, polis mayoru Araz Əsgərli "Qafqazinfo"ya bildirib ki, hazırda bu tip nəqliyyat vasitələri idarə edənlər arasında təbliğat maarifləndirmə işi aparılır, qanunvericiliyin tələbləri izah edilir.

"Bakı şəhərində aparılan işlərin əsas məqsədi moped sürücülərini maarifləndirməkdir və onlara lazımi köməkliyin göstərilməsi, hüquqlarının qanunvericiliyə uyğun tənzimlənməsidir. İnzibati tədbirlərdən daha çox üstünlük ona verilir ki, həmin nəqliyyat vasitələri qeydiyyata qoyulmaqla onlar mopedləri idarə etmək hüququ yaradan sürücülük vəsiqələri təmin olunsunlar. Bunlarla bağlı hazırda onlara zəruri köməkliklər göstərilir", - qurum rəsmisi əlavə edib.

Telegramda izləyin