Rusiyaya qarşı "ölüm qrupu" yaradıldı – Britaniyada təlim başlayır

Ukrayna ABŞ F-16 qırıcılarında təlim keçmək üçün pilotlar qrupu yaradıb. Qrupa ingilis dilini mükəmməl bilən 8 hərbçi daxildir.

"Politico" pilotların rəsmi təlim planı hazır olan kimi qırıcı təyyarələrdə təlimlərə başlayacaqlarını yazır.

Təlim planı avropalı müttəxəssislər tərəfindən hazırlanır və ABŞ tərəfindən təsdiqlənəcək. Təlimlərin başlayacağı dəqiq tarix məlum deyil.

İngilis dilini o qədər də yaxşı bilməyən daha 20 ukraynalı pilot var, onlar bu ay Böyük Britaniyada dil kurslarına başlaya bilərlər.

"Ümumilikdə 32 ukraynalı pilot müəyyən edilib, iki eskadrilya üçün kifayətdir. Onlar potensial olaraq təlim proqramında iştirak edə bilər, amma ingilis dili məsələsi əngəl olaraq qalır", – nəşr bildirir.

Ukrayna Prezidenti Vladimir Zelenski pilotların F-16 təlimlərinin avqustda başlayacağını açıqlamışdı.

Rusiya Ukraynaya F-16-ların göndərilməsi ehtimalına qarşı xəbərdarlıq edib.

Teleqraf.com

Telegramda izləyin