"Azərbaycanın və bölgənin sabahı İlham Əliyevin gələcək siyasi kursundan asılıdır" - Zahid Oruc

"Azərbaycan Prezidenti İlham Əliyevin liderliyi təkcə ötən 20 ilin deyil, daha çox gələcəyin - 2044-cü ilədək ölkəmizin aydın üfüqlərini yaradır. Nəinki ölkəmizin, eləcə də bölgəmizin sabahı İlham Əliyevin gələcək 20 illik siyasi kursundan asılıdır".

Sonxeber.az xəbər verir ki, bunu Milli Məclisin İnsan hüquqları komitəsinin sədri, Sosial Tədqiqatlar Mərkəzinin İdarə Heyətinin rəhbəri Zahid Oruc parlamentin oktyabrın 12-də keçirilən xüsusi iclasında çıxışı zamanı deyib.

Onun sözlərinə görə, tarixi qələbəmizdən sonra yaranan yeni reallıqda Azərbaycan əsas söz sahibidir: "Heydər Əliyevin yubileyində qazandığımız qurtuluş və xilaskarlıq Türkiyə Cümhuriyyətinin 100 ili ilə eyni siyasi mənanı daşıyır və "Azərbaycanın möhtəşəm 100 ili" adlana bilər. Əslərdir bölgəmizə fəlakət gətirən "parçala və hökmr sür" siyasəti Əliyevin "birləşdir və firavan et" kursu ilə əvəz olunur. Bəli, qalib dövlətin ordusu qədər, sülh siyasəti də güclü olmalıdır. Qafqaz xalqlarında nəsildən-nəslə ötürülən düşmənçilik mirasını durdurmaq da hərbi zəfər qədər əhəmiyyətlidir".

Telegramda izləyin