"Cənab prezidentin Xankəndiyə səfəri, Azərbaycan bayrağını ucaltması xüsusi önəm daşıyır" - Ceyhun Məmmədov

"Cənab prezidentin Xankəndiyə səfəri, Azərbaycan bayrağını ucaltması xüsusi önəm daşıyır. Bu, təkcə Ermənistana verilmiş mesajlar deyil, Ermənistanın havadarlarına da verilmiş mesajlardır".

Bu sözləri Milli Məclisin deputatı Ceyhun Məmmədov Sonxeber.az-a bildirib.

O qeyd edib ki, bu əraziləri Azərbaycan yenidən quracaq, tikəcək, yaradacaq, abad edəcək və bunun üçün də bir sıra zəruri tədbirlər həyata keçiriləcək:

"Qarabağın bütün ərazilərində Azərbaycanın konstitutsion quruluşunun təmin edilməsi, Azərbaycan dövlətinin nəzarətinin tam təmin olunması böyük və mühüm hadisədir. Uzun illərdir ki, bu proses davam edirdi.Separatçılığın bütün təzahürləri, təbliğatları məhz həmin binadan başladı və bütün Qarabağ ərazisini əhatə etdi. Öz qonaqpərvərliyini ermənilərə göstərən, onlara qucaq açan Azərbaycana qarşı ermənilər xəyanət etdilər və bu gün onlar xəyanətin cəzasını alırlar. Cənab prezidentin Xankəndiyə səfəri, Azərbaycan bayrağını ucaltması xüsusi önəm daşıyır. Bu, təkcə Ermənistana verilmiş mesajlar deyil, Ermənistanın havadarlarına da verilmiş mesajlardır. Cənab prezident qeyd etdi ki, bu hadisələr Fransada bir məqalənin dərc olunması ilə başladı və münaqişə alovlanmağa başladı. Nəticə etibarilə də ermənilərin öz başında çatladı. Artıq bu ərazilər Azərbaycanın nəzarətindədir. Bu əraziləri Azərbaycan yenidən quracaq, tikəcək, yaradacaq, abad edəcək və bunun üçün də bir sıra zəruri tədbirlər həyata keçiriləcək".

Telegramda izləyin