"100 il əvvəl Türkiyə Cümhuriyyətinin elan olunması dünyanın siyasi tarixində olduqca mühüm hadisədir" - ŞƏRH

"Bu gün qardaş Türkiyənin Cümhuriyyət bayramıdır. Düz 100 il əvvəl - 1923-cü ildə Türkiyə Böyük Millət Məclisinin qərarı ilə Türkiyə Cümhuriyyətinin elan olunması dünyanın siyasi tarixində olduqca mühüm hadisə idi".

Bu sözləri Sonxeber.az-a Milli Məclisin deputatı Bəhruz Məhərrəmov deyib.

O bildirib ki, həmin dövrdən etibarən türk dünyasının böyük öndərlərindən olan Mustafa Kamal Atatürkün tarixi xidmətləri nəticəsində Türkiyə Cümhuriyyəti müstəqil və suveren dövlət kimi yüksəlməyə başlayıb.

"Qardaş ölkə ötən müddət ərzində zəngin və şərəfli inkişaf yolu qət edərək tarixi nailiyyətlər qazanıb, mühüm zirvələr fəth edib. Bu gün Türkiyə dövləti Prezident Rəcəb Tayyib Ərdoğanın rəhbərliyi ilə uğurla inkişaf edir, regionda və beynəlxalq arenada nüfuzlu güc mərkəzinə çevrilib. Dost, qardaş və strateji tərəfdaş olan Azərbaycan ilə Türkiyə arasında münasibətlər isə ən yüksək zirvədədir".

Telegramda izləyin