Sənətçi qonşusu ilə əlbəyaxa oldu - ANBAAN VİDEO

Türk Xalq Musiqi sənətçisi Mustafa Küçük və ailəsi borc səbəbindən qonşuları ilə əlbəyaxa olub.

Sonxeber.az BAKU.WS-ə istinadən xəbər verir ki, hadisə İstanbulun Çekmeköy ərazisində baş verib.

Məlumata görə, 4 milyon lirə borc məsələsinə görə baş verən dava polis idarəsində yekunlaşıb.

İddialara görə, Çiğdem Yücesoy yaşadığı binada qonşusu Mustafa Küçük ilə borc məsələsinə görə mübahisə edib.

Yaşayış binasının dayanacağında mübahisə zamanı Yücesoy Küçük və ailəsinin avtomobilinə təpiklə vurub.

Daha sonra Mustafa Küçük, oğlu Cihan Küçük, nəvəsi, gəlini və həyat yoldaşı avtomobildən düşərkən tərəflər arasında dava böyüyüb.

Hadisə zamanı tərəfləri ayırmağa çalışan bina mühafizəçisi yüngül xəsarət alıb.

Çiğdem Yücesoy və Mustafa Küçük ailə üzvləri ilə birlikdə polis bölməsinə gedərək bir-birlərindən şikayət edib.

Telegramda izləyin