"WhatsApp"da daha bir yeni funksiya: Bundan sonra istifadəçilər...

"WhatsApp" tərtibatçıları yeni funksiyanın – böyük qruplar üçün səsli söhbətin istifadəyə verildiyini elan ediblər.

Sonxeber.az BAKU.WS-ə istinadən xəbər verir ki, bu barədə "WABetaInfo" portalı məlumat yayıb.

Bildirilir ki, yenilik istifadəçilərə çox sayda həmsöhbətlə real vaxt rejimində səsli mesajlaşmağına imkan verəcək.

"WhatsApp"da səsli söhbətlər "Clubhouse", "Telegram", "Discord" və "Slack"də oxşar xidmətlər prinsipi ilə işləyir.

Səsli ünsiyyətə başlamaq üçün kiməsə zəng etmək və ya zəngə cavab gözləməyə ehtiyac yoxdur. Sadəcə ekranın yuxarısındakı xüsusi düyməni sıxıb söhbətə qoşulmaq lazımdır.

İstifadəçilər ehtiyac olduqda mikrofonun səsini söndürə və ya səssizə ala, söhbəti tərk edə və ya geri qayıda, zəngi kəsmədən eyni çatda mətn mesajları yaza bilərlər.

Qeyd olunur ki, səsli mesajlar başdan-ayağa şifrələmə ilə qorunur və bütün iştirakçılar söhəti tərk etdikdə və ya bir saat ərzində heç kim söhbətə qoşulmadıqda avtomatik olaraq bağlanır.

Xüsusiyyətin təqdimatı artıq davam edir və bütün "WhatsApp" istifadəçiləri üçün gələcək dövr ərzində əlçatan olacaq.

Telegramda izləyin