Android smartfonlarda zəlzələ bildirişlərini bu cür aktivləşdirə bilərsiniz - FOTOLAR

Zəlzələ xəbərdarlığı sistemi yalnız Android cihazlarda var. iOS üçün zəlzələ xəbərdarlığı sistemi hələlik yoxdur. Android Zəlzələ Xəbərdarlığı Sistemi Android smartfonunda olan "akselerometr" sensoru vasitəsi ilə titrəmələri aşkarlayır və ərazidəki digər Android istifadəçilərinə xəbərdarlıqlar göndərir. Bir növ Android smartfonlar bütöv bir şəbəkə halında işləyir. Əgər daha çox smartfon bu titrəməni akselerometr sensoru ilə hiss edib qəbul edirsə, müəyyən alqoritmə əsasən zəlzələ ehtimalı olan bölgələrdə olan android avadanlıqlara xəbərdarlıq-bildiriş göndərir.

Bu bildiriş bəzən 8-10 saniyə əvvəl gəlsə də, bəzən zəlzələ anında vəya zəlzələ bitdikdən sonra da gəlməsi müşahidə oluna bilər. Zəlzələ olubsa və sizin smartfonda internet, eyni zamanda zəlzələ xəbərdarlığı funksiyası açıq olduğu halda bildiriş gəlməyibsə, bu sizin zəlzələ ocağına yaxınlığınızı göstərə bilər. Android smartfonlarda zəlzələ xəbərdarlıq funksiyasını aktivləşdirmək üçün, aşağıdakı menyu yolundan istifadə edə bilərsiniz.

Settings > Location > Location services > Earthquake alerts

Bilməyə ehtiyac var ki, "Google" əsasən 4.5 bal gücündən yuxarı zəlzələlərdə BİLDİRİŞ göndərir.

Ölkəmizə və hər kəsə təbiətin hər cür fəsadından uzaqda qalmağı arzu edirəm.
İnformasiya Texnologiyaları üzrə Mühəndis-Tədqiqatçı, Azərbaycan Kibertəhlükəsizlik Təşkilatları Assosiasiyasının (AKTA) eksperti

Telegramda izləyin