Telefonla doğum: Həkim səsi ilə göz açdı

Qəzzada bir qadın telefonla həkimin köməyi ilə uşaq dünyaya gətirib.

Sonxeber.az xarici mənbəyə istinadən xəbər verir ki, İordan çayının qərb sahilindəki Nablus şəhərində ginekoloq Süleyman Əbu Eyda Qəzzadan gələn telefon zəngi ilə təəccüblənib.

O, bildirib ki, zəng edən şəxs köçkünlərin yaşadığı düşərgələrdən birində qadının doğumu üçün tibbi yardım istəyib. Həkim gecə saatarında gələn zəngin vacib olduğunu bildirərək dərhal cavab verdiyini deyib:

"Zəng edən mənə Qəzzadan olduğunu dedi. Telefonla ona göstərişlər verməyə başladım. Ona göbək bağını necə bağlamaq və kəsmək, plasentanı çıxarmaq, yeni doğulmuş körpə ilə necə davranmaq, qanaxmanı azaltmaq və onu anasının qucağına necə qoymaq lazım olduğunu izah etdim".

Telegramda izləyin