COVİD-in bu variantı haqqında qorxulu iddia: bağırsaqları yoluxdurur

Dünyadakı kanalizasiya sularında aşkar edilən virus sıxlığına əsaslanaraq, mütəxəssislər Covid-19-un yeni variantı JN1-in mədə və bağırsaqlara təsir etdiyini düşünürlər.

Dünya tarixinin ən ölümcül epidemiyalarından biri olan Covid-19 pandemiyası arxada qalsa da, virus hələ də özünü göstərir. Qışın gəlişi ilə bu hallar da artmağa başlayıb. Lakin xəstəliyin yeni bir xüsusiyyəti səhiyyə ictimaiyyətinin narahatlığına səbəb olub. Yuxarı tənəffüs yollarında və ağciyərlərdə məskunlaşan virus tənəffüs yolu ilə keçirdi. Bununla belə, yeni variantın mədə və bağırsaqlarda da yerləşdiyi və ifrazat yolu ilə ötürüldüyü də düşünülür.

ABŞ də daxil olmaqla dünyanın hər yerindən elm adamları kanalizasiya sularını analiz edərək bu nəticəyə gəliblər. ABŞ-nin Missuri Universitetinin molekulyar virusoloqu, professor Mark Conson "DailyMail"ə deyib:

"Avropada tullantı sularında Covid-19 konsentrasiyasında bəzi böyük artımlar var. Bunun səbəbinin nə ola biləcəyi və başqa halların olub-olmaması ilə bağlı araşdırmalar apardıq."

Yeni variantın hallarına təkcə ABŞ və Avropada deyil, həm də dünyanın müxtəlif guşələrində rast gəlinir.

Məsələn, Avstriyada bu ilin iyul ayında çirkab sularda Covid-19 səviyyəsi sıfıra yaxın olub. Ancaq indi adambaşına düşən yoluxmuş genlərin səviyyəsi xeyli artıb.

Covid-19-un yeni variantı JN1-in peyvənd toxunulmazlığı qazandığı və ya immunitet sistemini keçmək üçün bədənin müxtəlif hüceyrələrinə yönəldiyi düşünülür. Professor Conson, Covid-19-un yeni dominant JN1 variantının bağırsaqları yoluxdura bilməsinin mümkün olduğunu söyləyib, lakin nəzəriyyə üçün hələlik birbaşa sübut olmadığını əlavə edib.

Covid-19-un bağlı olduğu ailədəki bəzi digər virusların da bağırsaqlara təsir etdiyini ifadə edən Conson, "Belə hal aşkar edilərsə, çox da təəccüblü olmaz" deyib:

"Bir çox viruslar mədə-bağırsaq problemlərinə səbəb olur. Pişiklərdə, donuzlarda, yarasalarda olanlar var. Bunlar tənəffüs yolu infeksiyaları deyil, mədə-bağırsaq infeksiyalarıdır".

Bu variant digər növlərə nisbətən həm daha yoluxucudur, həm də immunitet sistemindən yayınmağa qadirdir. Ancaq digər dövran edən variantlardan daha ağır xəstəliyə səbəb olduğuna dair heç bir sübut yoxdur.

Mənbə: publika.az

Telegramda izləyin