"5 min manat əməkhaqqı alıb, kirayə pulunu çatdırmayan, kredit götürən deputatlar var" - QALMAQALLI AÇIQLAMA

"Bu ay ərzində deputatlar 5 minə yaxın məvacib alacaq".

Sonxeber.az xəbər verir ki, bu sözləri jurnalistə açıqlamasında Milli Məclisin deputatı Siyavuş Novruzov deyib. Deputatın açıqlaması sosial şəbəkələrdə müzakirələrə səbəb olub:

"Gündə biz nə qədər insan qəbul edirik. Biri dərman pulunu, yol puluna və təhsil haqqı üçün gəlir. Bizim qədər ünsiyyətdə olan ikinci bir adam yoxdur. Biri deyir samanım yanıb, biri deyir şiferim yanıb. Gərək ona şifer alasan, o birinə saman pulu verəsən. Bu birinin inəyi ölüb onu almaq lazımdır. Mən səmimi danışıram ki, insanlarda bilsin. Bunların hamısını deputatlar öz əməkhaqqından verir. Milli Məclisin deputatlarının hamısı biznesmen deyil. Eləsi varki, kirayə haqqını çatdıra bilmir".

Siyavuş Novruzov bildirib ki, məvacibi çatmayan deputatların əksəriyyəti kreditdədir:

"Onların əksəriyyəti kreditdədir. Cəmiyyət elə bilməsin ki, onların çətinliyi varsa deputatın yoxdur. Deputatın çətinliyi onlar ilə eynidir".

Telegramda izləyin