McDonald's: "İsrail boykotu satışlarımıza ciddi təsir edib"

"McDonald's"ın Baş direktoru Kris Kempczinski Yaxın Şərqdə İsrailə qarşı boykotun satışlarına ciddi təsir etdiyini bildirib. Kempczinski brendlə bağlı iddiaları dezinformasiya adlandırıb.

Sonxeber.az xəbər verir ki, Kempczinski LinkedIn hesabında yazdığı bir yazıda restoranlar şəbəkəsinə qarşı boykot kampaniyasının dezinformasiyaya əsaslandığını iddia edib.

"McDonald's müsəlman ölkələri də daxil olmaqla, fəaliyyət göstərdiyimiz hər bir ölkədə yerli operatorlarla təmsil olunur. Bu insanlar öz icmalarına xidmət etmək üçün yorulmadan çalışsalar da, minlərlə insanı da işə götürürlər " ,- deyə o bildirib.

Qəzzada müharibənin başlamasından sonra McDonald's və Starbucks da daxil olmaqla bir sıra brendlər İsraillə əlaqəsi olduğu iddiası ilə boykot kampaniyalarının hədəfinə çevrilib.

Oktyabr ayında McDonald's İsrail sosial media hesablarında fotoşəkillər paylaşaraq İsrail ordusuna pulsuz yemək verdiyini elan etdi və McDonald's tərəfindən əhalisinin əksəriyyəti müsəlman olan ölkələrdə qınandı.

Reuters-də yer alan xəbərdə boykot kampaniyalarının hədəfi olan bəzi Qərb markalarının başda Misir, İordaniya və Malayziya olmaqla boykotun təsirini hiss etdiyi bildirilib.

Yüzdən çox ölkədə 40 275 restoranı olan McDonald's 2022-ci maliyyə ilində 23,1 milyard dollar gəlir əldə edib./BiG.AZ

Telegramda izləyin