Bayden bu dəfə nazirləri səhv saldı - Video

Çıxışları zamanı mütəmadi olaraq çətin anlar yaşayan, adları unudan ABŞ Prezidenti Co Bayden bu dəfə də oxşar vəziyyətə düşüb.

Sonxeber.az "Qafqazinfo"ya istinadən xəbər verir ki, ABŞ lideri bu dəfə Ağ Evdə çıxış edərkən ölkənin 2 nazirini səhv salıb.

Məlumata görə, hadisə reproduktiv hüquqlar üzrə işçi qrupu ilə görüş zamanı baş verib. Belə ki, ABŞ lideri səhiyyə və sosial xidmətlər naziri Xavyer Beserraya təşəkkür etmək istəyib. Lakin o bu zaman ölkənin daxili təhlükəsizlik naziri Alexandro Mayorkası Beserra zənn edərək ona müraciət edib.

O, ilk olaraq gender siyasəti üzrə müşaviri Cen Klyayna təşəkkür edib. Daha sonra isə onun yanında əyləşən Mayorkasa müraciət edərək yalnışlıqla onu Beserra adlandırıb. Beserra isə iclasa onlayn formatda qatılıb və zalda olmayıb.

Bildirilir ki, sözügedən hadisə Ağ Evin mətbuat katibi Karin Jan-Pyerin Baydenin əqli vəziyyəti ilə bağlı açıqlamasından bir neçə dəqiqə sonra baş verib. O, ABŞ liderinin əqli vəziyyətinin kifayət qədər qaydasında olduğunu bildirmişdi.

Telegramda izləyin