Xəstəxanada yatarkən 2 milyon manat qazandı

İngiltərədə xroniki anemiyaya yoluxduqdan sonra aylarla xəstəxanada yatan qadın şans oyununda təxminən 2 milyon manat mükafat qazandığını öyrəndiyi zaman həyatının şokunu yaşayıb.

Sonxeber.az xarici mənbəyə istinadən xəbər verir ki, İngiltərənin Lesterşir əyalətində yaşayan Deborah Burgess ona göndərilən elektron məktubu itirdikdən sonra milyonçu olduğunun fərqinə varmayıb.

Elektron poçt qadına Milli Lotereyadan gəlib və orada əvvəllər oynadığı lotereyadan məbləğ udduğu yazılıb. Avqust ayında xəstəxanaya yerləşdirilən qadın oktyabrda Milli Lotereya biletlərini yoxlayanda nəhayət ki, udduğunu anlaya bilib.

Qadın əvvəlcə uduşları təsdiqlənənə və ödənilənə qədər Milli Lotereyadan gələn mesajın fırıldaq ola biləcəyini düşünüb.

Onu milyonçu edən rəqəmlər ad günləri, doğum illəri və təsadüfi rəqəmlərin birləşməsindən yaranıb.

Telegramda izləyin