"TikTok"a inandı, gözlərindən oldu!

İsraildə yaşayan 25 yaşlı Reyçel TikTok platformasında məşhur olan bir videoya baxıb.

Sonxeber.az xarici mənbəyə istinadən xəbər verir ki, videoda günəşə birbaşa baxmağın bədənə enerji verdiyi və əlavə sağlamlıq faydaları olduğu iddia edilib.

Videonu şəxslər iddia edib ki, qədim misirlilər də günəşin bu gizli gücü haqqında bilir və dünyada hökumətlər bu bilikləri gizlətməyə çalışıblar. Qadın deyildiyi kimi günəşə 30 dəqiqə baxıb.

Günəşə baxdıqdan sonra gözlərinin görmə qabiliyyətində azalma olduğunu hiss edib. Görmə sahəsinin mərkəzində daimi qara ləkə görünməyə başladı.

Qadın problemin müvəqqəti bir vəziyyət olduğunu və günəşlə heç bir əlaqəsinin olmadığını düşünüb. Bir həftədən sonra problem hələ də davam etdiyi üçün dərhal xəstəxanaya müraciət edib. Müayinələr nəticəsində xəstənin gözündə qalıcı fəsadlar yaranıb.

Qadının sağ və sol görmə sahələrində problem olmasa da o, mərkəzi görmə sahəsini itirib.

Telegramda izləyin