Qadınları sevdiyini deyərək 641 min manat oğurladı! "Eşq adamı" belə həbs edildi

İngiltərədə qəribə hadisə baş verib. Özünü uğurlu iş adamı kimi təqdim edən şəxs varlı qadınları aldadaraq, onları sevdiyinə inandırıb.

Sonxeber.az xarici mənbəyə istinadən xəbər verir ki, polis verdiyi açıqlamada şəxsin bir çox yerlərdə syahət etdiyini, sözügedən şəxsin qadınlara bahalı hədiyyələr alaraq fırıldaqçılıq etdiyini deyib.

"Çester Kraun" məhkəməsində dinləmə zamanı şəxsin xaos yaradaraq qadınlardan külli-miqdarda pul istədiyi iddia edilib. 37 yaşlı kişi saxta təqdimatla dələduzluqda təqsirli bilinərək 7 il müddətinə azadlıqdan məhrum edilib.

Şahidlərdən bir nəfər deyib ki, təqsirləndirilən şəxs dünyanın dörd bir yerində qadınları mülkləri olduğuna inandırıb. Amma sonradan məlum olub ki, həmin şəxs işsizdir və heç bir fəaliyyəti olmayıb.

Araşdırmalar zamanı məlum olub ki, 37 yaşlı kişi 300 min funt-sterlinq (641 min manat) dəyərində məbləğ toplayıb.

Məsələ ilə bağlı araşdırmalar davam edir.

Telegramda izləyin