35 yaşlı yutuberin yaydığı videolar səs-küyə SƏBƏB OLDU

Yunanıstanda 35 yaşlı youtuber tərəfindən paylaşılan təhqiramiz videolar ölkədə səs-küyə səbəb olub.

Sonxeber.az xarici mənbəyə istinadən xəbər verir ki, qalmaqallı videoda qan donduran detallar şok yaradıb. Əlillərə edilən dəhşətli işgəncələri canlı yayımlayan 35 yaşlı kişi insan alverində təqsirli bilinir.

Təqsirləndirilən şəxs Afinada insan alveri və əlillərə fiziki xəsarət yetirmək ittihamı ilə həbs edilib.

2023-cü ilin yanvar ayından müxtəlif təxəllüslərlə sosial şəbəkədə əqli qüsurlu insanlara qarşı zorakılıq və zorakılıq ifadələrini canlı yayımladığı üzə çıxan yutuberin evində aparılan axtarışlar zamanı 7 disk və 4 mobil telefon aşkar edilib.

Həmin şəxsin həbs olunmazdan bir gün əvvəl otel otağından veriliş apardığı müəyyən edilib.

Prokurorluqda ortaya qoyulan dəlillər hər kəsi təəccübləndirib. Belə ki, təqsirləndirilən şəxs zorakılıq görüntülərini pul müqabilində canlı yayımlayıb. İzləyicilərin "şiddət" istəyinə görə, ödənilən məbləğin 200 avroya qədər olduğu ortaya çıxıb.

Əsas məqamlardan biri isə, bu görüntülər izləyicilər tərəfindən çox istənilin və videoların baxış sayı 1milyonu keçib.

Sözügedən şəxs ona qarşı qaldırılan bütün ittihamları rədd edib.

Telegramda izləyin