Rus ordusunun bütün həmlələrinin qarşısı alınıb - Ukrayna ordusunun Baş Qərargahı

Son sutka ərzində cəbhədə Ukrayna və Rusiya qüvvələri arasında 90 toqquşma baş verib.

Bu barədə Ukrayna ordusunun Baş Qərargahı məlumat yayıb.

Kupyan, Liman və Beloqorivka istiqamətlərində Rusiya qoşunlarının ümumilikdə 20 hücumu dəf edilib. Ruslar Baxmut istiqamətində gedən döyüşlərdə də nəticə əldə edə bilməyiblər, burada 13 hücum cəhdinin qarşısı alınıb.

Ukrayna ordusu Avdiv şəhəri istiqamətində 42 hücumu dəf edib.

Rusiya ordusu Marin istiqamətində 42 dəfə Ukraynanın müdafiə xəttini yarıb keçməyə cəhd göstərib. Bütün həmlələrin qarşısı alınıb.

Son sutka ərzində Rusiya cəbhədə 1050 hərbçisini itirib. Bununla Rusiyanın müharibə başlayandan bəri canlı qüvvə itkisi 401 350 nəfərə çatıb.

Bundan başqa, rusların 11 tankı, 16 zirehli döyüş maşını, 28 artilleriya sistemi, 5 PUA-sı, 1 qanadlı raketi, 18 nəqliyyat vasitəsi və 5 xüsusi avadanlığı məhv edilib.

Telegramda izləyin