Azərbaycanda kişilər üçün pensiya yaşı 63, qadınların isə 60 yaşa endirilir? - AÇIQLAMA

Bu gün müzakirə olunan məsələlərdən biri də pensiya yaşının aşağı salınmasıdır. Səsələndirilən biri də kişilər üçün pensiya yaşı 63-ə, qadınların isə 60-a endirilməsidir. Qeyd edək ki, hazırda ölkədə 1 iyul 2023 - 30 iyun 2024-cü il tarixində kişilərin pensiya yaşı 65 il, qadınların pensiya yaşı 63 il 6 aydır. 1 iyul 2024 - 30 iyun 2025-ci il tarixində kişilərin pensiya yaşı 65 il, qadınlar üzrə 64 il olacaq.

Bununla bağlı Sonxeber.az-a danışan deputat İqbal Məmmədov bildirib ki, bu məsələ Milli Məclisdə də dəfələrlə müzakirə olunub:

"Bu gün pensiya yaşının qaldırılması keçmiş əmək və əhalinin sosial müdafiəsi naziri Səlim Müslümovun vaxtında "Əmək pensiyaları haqqında" qanununa edilmiş dəyişikliklərə əsasən həyata keçirilir. Bu qanunun 7-ci maddəsində nəzərdə tutulur ki, kişilərin yaş həddi 2017-ci ilin iyul ayının 1-dən başlayaraq 2021-ci il iyul ayının 1-dək, qadınların yaş həddi isə 2017-ci ilin iyul ayının 1-dən başlayaraq 2027-ci ilin iyul ayının 1-dək hər il 6 ay artırılır. Qanuna əsasən 2027-ci ildə qadınlar və kişilərin pensiya yaşı eyniləşərək 65 yaş olacaq. Amma bu dəyişiklik olunana qədər Azərbaycanda pensiya yaşı kişilər üçün 63, qadınlar üçün isə 60 idi. Bu gün səsləndirilən təkliflərdən biri də penisya yaşının kişilər üçün 63-ə, qadınlar üçün isə 60-a endirilməsi təklif olunur. Vətəndaşlarımızı başa düşürəm. Hər kəs dahas tez pensiya çıxmaq istəyir. Digər deputat həmkarlarım kimi mən də pensiya yaşının aşağı salınmasını istəyirəm. Amma bu gün üçün pensiya yaşının aşağı salınması real görünmür. Çünki qanunda dəyişiklik edilən zaman ölkədə orta ömürlülük yaşı nəzərə alınıb.Bundan əlavə qanuna dəyişiklik edilən zaman region ölkələrdəki əmək pensiyası yaşı da hər tərəfli təhlil olunub. Ona görə də mən əmək pensiyası yaşının yenidən aşağı salınması ilə bağlı səsləndirilən təklifləri bu gün üçün real görmürəm".

Telegramda izləyin