Azərbaycanda aviabiletlərin və vizaların qiyməti niyə bahadır? - AÇIQLAMA

Qarşıdan gələn Novruz bayramı və tətil ilə əlaqədar vətəndaşlar ya rayonlarda, ya da ölkə xaricinə səyahətə çıxır. Xüsusilə ölkə xaricinə səyahət edən insanlar aviabilet almaq üçün külli-miqdarda pul ödəyir. O cümlədən, xarici ölkələrin viza qiymətli xeyli pul tələb edir. Normal bir işçinin yəqin ki, il boyu yığdığı pul 5-6 biletin qiyməti ilə yoxa çıxır. Bəs bunun səbəbi nə ilə bağlıdır? Azərbaycanda aviabiletlərin və vizaların qiyməti niyə bahadır?

Mövzu ilə bağlı iqtisadi məsələlər üzrə ekspert Natiq Cəfərli Sonxeber.az-a açıqlama verib:

"Azərbaycanda biletlərin baha olmasının səbəbi rəqabətli mühitin zəif olmasıdır. Bununla bağlı, əvvəlki illərə olan nisbətən irəliləyiş var. Biletlərin qiymətində bir qədər də olsa, enmələr müşahidə olunur. Çünki son vaxtlar bəzi xarici şirkətin ölkə bazarına girməsinə imkan yaranıb. Əlbəttə bu da yetərli deyil. Hələ də uçuşların yarısından çoxu "AZAL"ın nəzarəti altındadır. Burada daha böyük rəqabətli mühitin artırılmasına ehtiyac var. Rəqabətli mühit artdıqca da, biletlərin qiymətinin ucuzlaşması baş verə bilər. Eyni zamanda viza qiymətinin baha olmasının səbəbləri var. İlk olaraq hər ölkənin öz viza və qiymət siyasəti var. Ona hər hansı bir formada təsir etmək mümkün deyil. Ona görə də belə ölkələri öz viza siyasətinə və ondan gələn gəlirlərə bağlıdır. Burada hansısa bir şəkildə təsir etmək imkansızdır. Amma vizaların qiyməti ilə bağlı tək bir yol var. Azərbaycan bir çox ölkələrlə qarşılıqlı vizaların ləğvi ilə bağlı qarşılıqlı protokollar imzalaya bilər. O zaman həmin ölkələrdən gələn bizə gələn turistlər vizasız gələcək. Yəni viza pulu verməyəcəklər. Eyi qayda da Azərbaycan vətəndaşları bu şəkildə vizasız gedə biləcəklər".

Telegramda izləyin