"Time": Ukraynanın ABŞ-ın hərbi yardımı ilə belə Rusiyanı məğlub etmək üçün real şansı yoxdur

Ukraynanın ABŞ-dan irimiqyaslı hərbi yardım alsa belə, Rusiya ilə münaqişədə tam qələbə qazanmaq üçün real şansı yoxdur.

"Report" xəbər verir ki, bu barədə "Time" jurnalı yazır.

Nəşr qeyd edib ki, Amerika silahlarının əlavə kütləvi təchizatı olmasa, Ukrayna müqaviməti 2024-cü ildə çox güman ki, dağılacaq.

Eyni zamanda, jurnal Amerika rəsmilərini etiraf etməyə çağırır ki, hətta davamlı yardım olsa belə, Ukraynanın nə gələn il, nə də sonrakı illərdə tam qələbə qazanmaq üçün real şansı yoxdur.

"Time"a görə, hələ 2023-cü ildə bir çox ukraynalılar, alternativ olaraq uğur qazanma ehtimalı az olan qanlı müharibə illəri olarsa, bəzi ərazilərin itirilməsini sülhün əvəzi kimi qəbul etməyə hazır olduqlarını bildirirdilər.

Nəşr əmindir ki, ABŞ prezidenti Cozef Baydenin administrasiyası bu mövqeyə qoşulmalıdır.

Telegramda izləyin