Taksi sürücüsü sükan arxasında niyə yuxulayıb? - VİDEO

Ani diqqətsizlik bəzən faciəyə yol açır. Xüsusilə sükan arxasında sürücünün bir anda yuxulaması ağır qəzalara səbəb olur. Bu səbəbdən yorğun və yuxusuz halda sükan arxasına keçmək son dərəcə təhlükəli hesab edilir. Bunu nəzərə almayan sürücü həm öz həyatını həm də digər sürücü, sərnişin və piyadaların həyatını təhlükəyə atır. Sükan arxasında yatan, hətta xoruldayan sürücünün görüntüləri isə bu məqamda xüsusi diqqət çəkir.

Sözügedən görüntülər sərnişin tərəfindən çəkilib. Kadrlardan görünür ki, sükan arxasında yuxulayır. Bu ilk dəfə deyil ki, belə hallar baş verir. Şirkət taksiləri istirahət etmədən günün 12-14 saatını , bəzən isə səhərə qədər avtomobil idarə edirlər. Nəticədə avtomobilə nəzarət itir və ağır qəzalar baş verir.

Sonxeber.az xəbər verir ki, taksi sürücüləri "ATV Xəbər"ə açıqlama verib. Onlar işlədikləri taksi şirkətlərini günahlandırırlar:

"Günahkar burada kimdir? Bunun səbəbi sadəcə şirkətdir. İnsanıq biz. Bu qədər saat sükan arxasında əyləşib, avtomobil idarə etmək ilə beyin yorulur. Bu baxımdan uzağı 8-9 saatdan artıq işləmək olmaz"

Ekspertlər deyir ki, bu səbəbin yaranmasına səbəb taksi şirkətlərinə dövlət nəzarətinin olmamasıdır. Bunun üçün isə sistem yaradılmalı və taksi sürücüləri izlənməlidir. Beləliklə sürücülərin neçə saat işlədikləri məlum olacaq və bu kimi hallar baş verməyəcək.

Ətraflı "ATV Xəbər"in süjetində:

Telegramda izləyin